2017-2018 оқу жылынан бастап 5 жыл ішінде алғаш рет жоғары және жоғары оқу орнынан кейінгі білімі бар кадрларды даярлауға арналған мемлекеттік білім беру тапсырысының көлемі өсті. Атап айтқанда 2017-2018 оқу жылында бакалавриатқа-37932 грант бөлінді, бұл өткен жылғы мемлекеттік тапсырыс көлемінен 6 мыңға көп. Магистратураға - 10004 орын бөлінді, өткен жылғыға қарағанда бұл көрсеткіш 2,5 мыңнан астам орынға көбейген. Ал дактарантураға - 1285 орын бөлінді, бұл өткен жылғы орын санынан екі есеге көбірек.
"Мәңгілік ел жастары-индустрияға" -"Серпін" әлеуметтік жобасы бойынша биыл 3793 грант жоғары оқу орындарына (оның ішінде білім-1550, техника ғылымдары мен технологиялар - 1898, ауыл шаруашылығы ғылымдары, ветеринария бағыттары бойынша - 345), колледждерге 720 грант бөлінді. "Серпін" жобасына Маңғыстау, Қызылорда, ОҚО, Жамбыл, Алматы облыстары ғана қатыса алады.